Compensation approved महाराष्ट्र राज्यातील शेतकरी बांधवांसाठी आज एक महत्त्वाची बातमी समोर आली आहे. राज्य सरकारने खरीप हंगाम 2024 मध्ये झालेल्या अतिवृष्टीमुळे बाधित झालेल्या शेतकऱ्यांसाठी मोठा निर्णय घेतला आहे.
राज्यातील 26 लाख 48 हजार शेतकऱ्यांना 2920 कोटी रुपयांची नुकसान भरपाई मंजूर करण्यात आली आहे. या संदर्भात शासनाने महत्त्वाचा शासन निर्णय (जीआर) जारी केला असून, त्यामध्ये जिल्हानिहाय मंजूर करण्यात आलेल्या शेतकऱ्यांची संख्या आणि रक्कम स्पष्टपणे नमूद करण्यात आली आहे.
2024 च्या जून ते ऑक्टोबर या कालावधीत, विशेषतः ऑगस्ट-सप्टेंबर महिन्यांमध्ये राज्यात झालेल्या अतिवृष्टीमुळे अनेक जिल्ह्यांमधील शेती पिकांचे मोठ्या प्रमाणावर नुकसान झाले. या पूरपरिस्थितीमुळे झालेल्या नुकसानीसाठी शासनाने तातडीने कृती करत 2920 कोटी रुपयांची नुकसान भरपाई वितरित करण्याचा महत्त्वपूर्ण निर्णय घेतला आहे.
मराठवाड्यातील जिल्ह्यांमध्ये सर्वाधिक नुकसान झाल्याचे दिसून आले आहे. नांदेड जिल्ह्यातील 7 लाख 83 हजार 915 शेतकऱ्यांसाठी 812.38 कोटी रुपयांची सर्वाधिक नुकसान भरपाई मंजूर करण्यात आली आहे.
त्याखालोखाल बीड जिल्ह्यातील 56,214 शेतकऱ्यांसाठी 520.94 कोटी रुपये, हिंगोली जिल्ह्यातील 29,679 शेतकऱ्यांसाठी 419.48 कोटी रुपये आणि जालना जिल्ह्यातील 2 लाख 82 हजार 538 शेतकऱ्यांसाठी 412.30 कोटी रुपयांची नुकसान भरपाई मंजूर करण्यात आली आहे.
धाराशिव जिल्ह्यातील 1 लाख 80 हजार 786 शेतकऱ्यांना 221.81 कोटी रुपये तर छत्रपती संभाजीनगर जिल्ह्यातील 25,747 शेतकऱ्यांना 234.20 कोटी रुपयांची मदत मिळणार आहे. परभणी जिल्ह्यातील 10,991 शेतकऱ्यांना 10.08 कोटी रुपये आणि लातूर जिल्ह्यातील 81,966 शेतकऱ्यांना 78.41 कोटी रुपयांची नुकसान भरपाई मंजूर करण्यात आली आहे. लातूर जिल्ह्याला यापूर्वीच 348 कोटी रुपये मंजूर करण्यात आले होते.
हे पण वाचा:
लाडकी बहीण योजनेच्या 6व्या हफ्त्याची तारीख जाहीर! मिळणार 2100 रुपये Date of 6th installment
नागपूर विभागातील शेतकऱ्यांनाही मोठा दिलासा मिळाला आहे. नागपूर जिल्ह्यातील 28,604 शेतकऱ्यांना 64.41 कोटी रुपये, गोंदिया जिल्ह्यातील 27,012 शेतकऱ्यांना 26.29 कोटी रुपये आणि भंडारा जिल्ह्यातील 8,497 शेतकऱ्यांना 10.02 कोटी रुपयांची मदत मिळणार आहे. वर्धा जिल्ह्यातील 1,605 शेतकऱ्यांना 2.83 कोटी रुपये, गडचिरोली जिल्ह्यातील 3,952 शेतकऱ्यांना 3.27 कोटी रुपये आणि चंद्रपूर जिल्ह्यातील 851 शेतकऱ्यांना 82 लाख रुपयांची नुकसान भरपाई मंजूर करण्यात आली आहे.
नाशिक विभागातही अतिवृष्टीमुळे शेतकऱ्यांचे मोठे नुकसान झाले आहे. जळगाव जिल्ह्यातील 5,731 शेतकऱ्यांना 5.71 कोटी रुपये आणि अहमदनगर जिल्ह्यातील 5,749 शेतकऱ्यांना 2.40 कोटी रुपयांची मदत मिळणार आहे.
नाशिक जिल्ह्यातील 331 शेतकऱ्यांना 21 लाख रुपये, धुळे जिल्ह्यातील 148 शेतकऱ्यांना 18 लाख रुपये आणि नंदुरबार जिल्ह्यातील 527 शेतकऱ्यांना 41 लाख रुपयांची नुकसान भरपाई मंजूर करण्यात आली आहे.
पुणे विभागातील सोलापूर जिल्ह्यातील 3,747 शेतकऱ्यांना 58.01 कोटी रुपये, सांगली जिल्ह्यातील 5,153 शेतकऱ्यांना 3.48 कोटी रुपये आणि सातारा जिल्ह्यातील 400 शेतकऱ्यांना 10.73 लाख रुपयांची मदत मिळणार आहे.
एकूणच महाराष्ट्रातील विविध जिल्ह्यांमधील 26 लाख 48,247 शेतकऱ्यांसाठी 2920 कोटी 57 लाख 50 हजार रुपयांची नुकसान भरपाई मंजूर करण्यात आली आहे. यापूर्वी 1600 कोटी रुपयांची नुकसान भरपाई मंजूर करण्यात आली होती. त्यामुळे एकूण मंजूर रक्कम सुमारे 4500 कोटी रुपयांपर्यंत पोहोचली आहे.
या नुकसान भरपाईचा लाभ मिळण्यासाठी लाभार्थी शेतकऱ्यांनी केवायसी प्रक्रिया पूर्ण करणे अत्यंत महत्त्वाचे आहे. जिल्हाधिकारी कार्यालयाच्या माध्यमातून ही नुकसान भरपाई थेट शेतकऱ्यांच्या बँक खात्यांमध्ये जमा करण्यात येणार आहे. या निर्णयामुळे राज्यातील अतिवृष्टीग्रस्त शेतकऱ्यांना मोठा दिलासा मिळाला असून, त्यांना पुढील हंगामासाठी शेती करण्यास मदत होणार आहे.
